Hipotekaren hileko kuotaren %50 ordaintzeko epea urte bi atzeratzeko aukera eskainiko du Espainiako Gobernuak, Hego Euskal Herrian ere eraginez; Kreditu Ofizialaren Espainiako Institutuak bermatuko ditu ordainketak.
Langabetuek, galerak dituzten edo negozioa itxi behar izan duten autonomoek izango dute aukera —azken biok familia izan behar dute kargu—, beti ere 2008ko urtarrilaren 1a baino lehen eskatutako 170.000 eurotik beherako mailegua bada. 2011tik aurrera bueltatuko da dirua geratzen diren kuotetan hainbanatuta.
Bestalde, enpresek kontratatutako langabetu bakoitzeko 1.500 euroko hobaria jasoko dute; gainsaria izango dute ikerketaren eta energia berriztagarrien arloetako kontratuek.
No hay comentarios:
Publicar un comentario